KosInvest feston Ditën e Lutjes me vepra që ndriçojnë komunitetin

Janë veprimet e thjeshta që e bëjnë shoqërinë tonë më të ndritshme.

Më 1 Tetor, stafi i KosInvest u bashkua për të festuar Ditën e Lutjes në një mënyrë të veçantë, përmes veprave që sjellin ngjyra, gëzim dhe dritë në komunitet.

Këtë vit, ekipi ynë u angazhua në aktivitete vullnetare në SHFMU 'Mihal Grameno' - Aneksi 1 në Fushë Kosovë dhe SHFMU 'Ismail Qemali' në Mitrovicë, ku së bashku ngjyrosëm, pastruam dhe dhuruam me zemër.

Këto veprime simbolike përfaqësojnë vlerat e KosInvest, kujdesin për komunitetin, solidaritetin dhe përkushtimin për një shoqëri më të mirë.

Përmes iniciativave të tilla, ne besojmë se çdo akt i vogël dashurie dhe mirësie mund të sjellë një dritë të madhe që ndriçon përreth nesh.