Përgjegjshmëri & Mbrojtje

Në KosInvest, përgjegjshmëria nuk është vetëm një parim – është premtimi ynë ndaj çdo personi që prekim me punën tonë. Çdo klient, çdo fëmijë, çdo anëtar i stafit ka të drejtë të jetë i sigurt, i respektuar dhe i mbrojtur.

Ne jemi pjesë e VisionFund International – krahu financiar i World Vision – dhe si të tillë, kemi tolerancë zero ndaj çdo forme të abuzimit apo dhunës, qoftë ndaj të rriturve, fëmijëve apo kujtdo që jeton në komunitetet ku veprojmë.

Nëse hasni në ndonjë sjellje jo profesionale nga stafi ynë ose ndonjë formë keqpërdorimi gjatë vizitës në ambientet tona, ju inkurajojmë të raportoni rastin menjëherë. Këto sjellje jo të mira mund të përfshijnë aktet e korrupsionit, keqpërdorimin e pozitës zyrtare, sjelljen agresive ose abuzimin ndaj klientëve apo fëmijëve.

Ju lutemi, nëse vëreni ndonjë nga këto sjellje, ndjehuni të lirë të raportoni incidentin menjëherë përmes kanaleve zyrtare për të siguruar që çdo problem të trajtohet seriozisht dhe në përputhje me rregulloret tona të brendshme dhe ligjet përkatëse.

Raportoni incidentin sepse vetëm së bashku mund të sigurojmë një mjedis të sigurt dhe profesional për të gjithë.

Ke qenë dëshmitar i një rasti që rrezikoi një klient apo fëmijë?

Ke shqetësim për sjelljen e një punonjësi të KosInvest?

Apo ke ndonjë tjetër shqetësim për sigurinë dhe mbrojtjen?

Ne inkurajojmë raportimin e çdo shqetësimi në mënyrë konfidenciale dhe të sigurt.